نوێنەری گشتیی مامۆستایانی گرێبەست رای دەگەیەنێت، دوو كۆبوونەوەی سەرەكی و گرنگ بەڕێوە دەچن لە نێوان ئەنجوومەنی ئابووریی پەرلەمانتاران و شاندی هەرێمی كوردستان بەمەبەستی داڕشتنەوەی بودجە.
ئەمڕۆ شەموو حەوتی تشرینی دووەم، عەلی رەئووف نوێنەری گشتیی مامۆستایانی گرێبەست، رایگەیاند، ئەمڕۆ بەپەلە دوو كۆبوونەوەی سەرەكی و گرنگ بەڕێوە دەچن لە نێوان ئەنجوومەنی ئابووریی پەرلەمانتاران و شاندی هەرێمی كوردستان، بەمەبەستی داڕشتنی كۆتایی ڕەشنووسی یاسای بودجەی گشتی بۆ ساڵی 2027 بەر لە ڕەوانەكردنی بۆ پەرلەمان.
نوێنەری مامۆستایان زیاتر گوتی، تەوەری كۆبوونەوەكان، پشكی هەرێمی كوردستان و یەكلاكردنەوەی بڕی كۆتایی و جێگیركردنی لە بودجەی گشتیدان، هەروەها دۆسیەی فەرمانبەران و دامەزراندن، هەمیشەییكردنی گرێبەستەكان و جێگیركردنی ماف و شایستەكانی خاوەن بڕوانامەی سێیەمەكانە.
ئاماژەی بەوەش كرد، ئەم كۆبوونەوانە هەنگاوێكی یەكلاكەرەوەن بۆ دەستەبەركردنی مافە داراییەكان و چەسپاندنیان لە ڕەشنووسی یاسای بودجەدا بەر لە پەسندكردنی لەلایەن پەرلەمانەوە.
ئەوە لە كاتێكدایە ئەمڕۆ كۆبوونەوەی ئەنجوومەنی وەزیران هەبوو، بەڵام بڕگەی پڕۆژەیاسای بودجە لە گفتوگۆی ئەمڕۆ دەرهێنرا.