بافڵ تاڵەبانی هەڕەشە لە مەحمود سەنگاوی دەکات بە مافیا ناوی دەبات

 

بافڵ تاڵەبانی هەڕەشە لە مەحمود سەنگاوی دەکات و دەڵێ هێزی سەربازی دەنێرمە گەرمیان بۆ ئەوەی مافیاگەرایی لە گەرمیان نەهێڵم

ئاشکرایە لەو زۆنەی کە یەکێتی فەرمانڕەوایەتی دەکات لە ساڵی 1996ەوە هەر ناوچەیەک بەدەست بەرپرسێکی ئەو حزبەوە بووە نەک حزبەکە و لە سنوری گەرمیانیش مەحمود سەنگاوی بەبەکارهێنانی هێزی چەکدار بووبوو بە مافیای ناوچەکە و کۆنترۆڵی تەواوی سێکتەرەکانی ئەو سنورەی کردبوو هەر لە نەوت و باج و سەرانە وەرگرتن و کۆمپانیای وەهمی لە دەروازەی پەروێزخان بگرە تا کۆمپانیای کرێکاری شارەوانی. 

وەک لە وەڵامی قوتابییەکی گەرمیانی دا بافڵ تاڵەبانی گوتی دوو سێ هەفتەی داهاتوو هێزی سەربازی دەنێرمە گەرمیان بۆ ئەوەی مافیاگەرایی لە گەرمیان نەهێڵم، پێدەچێت هەنگاوی داهاتووی بافڵ تاڵەبانی پەلوپۆ کردنی مەحمود سەنگاوی بێت و ئەو بەرەبەستەی بەردەمی خۆی لە گەرمیان نەهێڵێت.