قەیس خەزعەلی، ئەمینداری گشتیی عەسائیب ئەهلی حەق دەڵێت، دژی ئەوەین مستەفا كازمی ببێتەوە بە سەرۆك وەزیران، هەڕەشەی هەڵگیرساندنی جەنگی كراوەش لە ئەمریكا دەكات.
خەزعەلی لە پەیامێكدا ئاشكرایكردووە كە دژی ئەوەن مستەفا كازمی بۆ جاری دووەم ببێتەوە بە سەرۆك وەزیران، “بەڵام ئەگەر سەدر بڕیاربدات هەڵیببژێرێت، ئەوا دەبێت خۆی بەرپرسیارێتیی سەركەوتن یاخود شكستەكەی لەئەستۆبگرێت”.
لەبارەی هێزەكانی ئەمریكا لە عێراق كە عەسائیب پێشتر هەڕەشەی لێكردبوون، خەزعەلی ڕایگەیاند، “تا داگیركاریی ئەمریكا لە عێراقدا بمێنێت، بەرگریش دەمێنێت و ئەگەر نەكشێنەوە جەنگی كراوەیان لەدژ بەرپادەكەین”.