سوپای عێراق بەشێک لە کێڵگەکانی ماددەی هۆشبەری پەکەکەی تێکداوە
سوپای عێراق لە خانەسۆر بەشێک لە کێڵگەکانی ماددەی هۆشبەری پەکەکەی تێکداوە، ئەوە هۆکارێکی سەرەکی کێشە و ئاڵۆزیەکانی نێوان چەکدارانی پەکەکە و سوپای عێراق بووە لە چەند رۆژی رابردوو.
بەپێی زانیاریەکان، سوپای عێراق چووەتە ناو کێڵگەی ماددە هۆشبەرەکانی چەکدارانی پەکەکە و تێکیداون ئەوەش چەکدارانی پەکەکەی توڕە و نیگەران کردوە.
لە دوای داگیرکردنی شنگال لەلایەن پەکەکەوە کێڵگەیەکی زۆری ماددەی هۆشبەر لە شاخی شنگال و ناوچەکانی ژێر دەستی پەکەکە دروستکراوە کە راستەوخۆ بەرهەمەکانی بۆ سووریا رەوانە دەکرێت.
ماوەیەکە گرژی کەوتووەتە نێوان چەکدارەکانی پەکەکە و سوپای عێراق هەندێ سەرچاوەی زانیاری وای لێکدەدەنەوە بابەتەکە جێبەجێکردنی رێکەوتنی شنگال بێت، بەڵام پەکەکە خۆی بەشێکە لە سوپا و حەشدی شەعبی عێراق و ئەجێندای ئێرانە لە عێراقدا، بەڵام ئەو گرژیانەی روودەدەن بەهۆی بەریەککەوتنی بەرژەوەندیەکانە بەتایبەتی سوپای عێراق لە دژی بوونی ئەو کێڵگانەی تلیاک و موخەدەراتە کە پەکەکە و حەشدی شەعبی بازرگانیان پێوە دەکەن.