ئەمریکا : بەتوندی دژی یاسای حەشدی شەعبی دەبین

گوتەبێژی وەزارەتی دەرەوەی ئەمریکا تامی بروس

ئەمڕۆ دووشەممە ڕایگەیاند کە وڵاتەکەی بە توندی دژی پڕۆژەیاسایەکی پێشنیازکراوی عێراق دەوەستێتەوە کە ئامانج لێی بەدامەزراوەییکردنی هێزەکانی حەشدی شەعبییە، و هۆشداریی دا کە ئەمە پێچەوانەی ئامانجە هاوبەشە ئەمنییەكانی واشنتۆنە لەگەڵ بەغدا.

بروس ڕەخنەی لە یاساکە گرت و بە "هەنگاوێکی زۆر نایارمەتیدەر" وەسفی کرد، و گوتی: کە ئەوە فەرمیبوون دەبەخشێت بەو گرووپە چەکدارانەی کە پەیوەندییان بە قەوارە و سەرکردەی تیرۆریستییەوە هەیە، کە هەندێکیان بەرژەوەندییەکانی ئەمریکایان کردووەتە ئامانج و کارمەندانی ئەمریکییان کوشتووە.

ئەمە لە كاتێكدایە كە بەشێك لە گرووپە چەكدارەكانی حەشدی شەعبی بە هێرشكردن بۆ سەر دامەزراوەكانی ئەمریكا و كێڵگە نەوتییەكان و هێرشكردن بە درۆن بۆ سەر هەرێمی كوردستان و پێگەكانی ئەمریكا تۆمەتبار كراون.

لە پاش گرێبەستەكانی نێوان هەرێمی كوردستان و ئەمریكا لەبارەی وەبەرهێنانی وزەوە، هێرشەكان بۆ بەئامانجگرتنی ناوچەكانی بەرهەمهێنانی وزە لە هەرێمی كوردستان زیادی كردووە.

أحدث أقدم

نموذج الاتصال