کەنالی ئێن ئارتـی شەهیدانی كیمیاباران بە سەگ دەشوپهێنن

بەرپرسێكی كۆمەڵەی كیمیابارانی هەڵەبجە ڕای دەگەیەنێت، سبەی سكاڵای یاسایی لەسەر كەناڵی nrt  و و دكتۆرێك تۆمار دەكەین بەهۆی بێڕێزیكردن و شوپهاندنی شەهیدانی هەڵەبجە بە سەگ.

لە بەرنامەیەكی كەناڵی nrt یەكێك لە میوانەكان لەبارەی كوشتنی چەند سەگێك لە سنووری ڕاپەڕین، بێڕێزیی بە شەهیدانی هەڵەبجە كرد و كوشتنی ژمارەیەكی زۆر سەگ، هاوشێوەی ڕۆژی كیمیارانكردنی هەڵەبجە وێنا كرد، ئەمەیش ناڕەزایەتیی لێ كەوتەوە.

ە ناوبردنی سەگ، شوبهاندنی بە تاوانی كیمیابارانكردنی هەڵەبجە و شەهیدان، زۆر ناڕەحەتی كردین.

ئەمڕۆ شەموو 23ـی تشرینی یەكەم، لوقمان هەورامی سەرۆكی كۆمەڵەی كیمیابارانی هەڵەبجە، ڕاگەیاند، لە كەناڵی nrt و بە دیاریكراوی لەلایەن كەسێك بەناوی دكتۆر لاڤین عەبدولوەهاب لە ناوبردنی سەگ، شوبهاندنی بە تاوانی كیمیابارانكردنی هەڵەبجە و شەهیدان، زۆر ناڕەحەتی كردین.

زیاتر گوتی، ئێمە وەك كۆمەڵەی قوربانیانی كیمیابارانی هەڵەبجە، سبەی بەرانبەر بەم بێڕێزییە سكاڵای یاسایی خۆمان لە دادگای هەڵەبجە تۆمار دەكەین بەرانبەر دكتۆرەكە و كەناڵەكەش، بۆ ئەوەی چیتر كەس نەتوانێ بێڕێزییەكی وا و هەڵەی وا دووبارە بكاتەوە، هیچ كەناڵێكیش دەرفەتی وا دروست نەكاتەوە.

باسی لەوەش كرد، ئەو بێڕێزییە هەستی هەموو كوردێك بریندار دەكات و پێویستە ڕێگری لێ‌ بكرێت و دووبارە نەبێتەوە.

لە كیمابارانكردنی هەڵەبجە لە 16ـی ئاداردا، زیاتر لە پێنج هەزار كورد لە ماوەی چەند خولەكێك گیانیان لە دەست دا، ئەوەیش یەكێكە لەو ئازارانەی كورد هەرگیز لە بیری ناچێت.