سوپای رووسیا هه‌ڕه‌شه‌ی بۆردوومانكردنی باره‌گاكانی سه‌ركردایه‌تی ئۆكرانیا له كیێڤ ده‌كات، ئه‌گه‌ر بێت له هێرشكردنه سه‌ر شاره‌كانی رووسیا به‌رده‌وام بن.
گوتەبێژی وەزارەتی بەرگری رووسیا ئیگۆر کوناشینکوف رایگه‌یاند، هه‌وڵ و هێرشه‌كانی ئۆكرانیا بۆ سه‌ر خاكی رووسیا ده‌بینین، ئه‌گه‌ر به‌مشێوه به‌رده‌وام بن سوپای رووسیا بۆردوومانی بنكه‌كانی سه‌ركردایه‌تی ئۆكرانیا ده‌كات له كیێڤ.
کوناشینکوف گوتی: "تا ئێستا خۆمان له‌مجۆره هیرشانه پاراستووه".
ماوه‌یه‌كه ئۆكرانییه‌كان به درۆن، مووشه‌ك و كۆپته‌ر هێرش ده‌كه‌نه سه‌ر دامه‌زراوه‌كانی سه‌ربازییه‌كانی رووسیا، كه بووه‌ته نیگه‌رانبوونی مۆسكۆ.