لەسەر بابەتی سەرۆککۆمار ئەو هەموو خۆتەنگاوکردنەی یەکێتی جێگەی پرسیار و جێگەی سەرسووڕمانە.
نیگا ڕاستەکە ئەمەیە:
کەسێکی کورد ببێتە سەرۆککۆمار و پاسەوانی دەستوور و مافەکانی گەلی کوردستان بێت و نوێنەرێکی شاییستەی گەلی کوردستان بێت.
ئیدی ئەو هەموو ترس لە شکست و ڕۆحیەتی ئیسقانشکاندن و کێبڕکێ و شەڕی ئیعلامی و بەرپابوونی قیامەتی بۆ چیە؟
ئەمە بۆ پارتیش دەبێ هەر وا بێ. دەبێ بابەتەکە بە سادە و ئاسایی وەربگیرێت. ئەمە پڕۆسەیەکی سروشتی و دیموکراتیانەیە با لەسەر ڕێڕەوی خۆی بڕوات. کێ بردیەوە ئەوە بەرپرسیارێتیی زیاتری دەکەوێتە سەر شان.
دواجاریش هەموومان لەیەک وڵاتدا دەژیین و ئەندامی یەک نەتەوەین و لە مێژوو و برین و سەختی و ئازار و شانازی و سەرکەوتندا هاوبەشین.